اروپایي ټولنه: له لنډ ځنډ وروسته د اټومي تړون د احیا خبرې پیلیږي
د اروپایي ټولنې یوه چارواکي چې د ایران د ۲۰۱۵ میلادي کال د اټمي تړون د احیا لپاره د واشنګټن او تهران ترمنځ غیر مستقیمې خبرې تنظیموي، تائید کړه چې له څو ورځو راهیسې په ټپه درېدلې خبرې به نن په ویانا کې بېرته پیل شي.
د اروپایي ټولنې ډپلوماټ انریکې مورا په یوه ټویټ کې دغه اعلان کړی او ویلي یې دي چې د ګډ کمېسیون پر غونډې سربېره دوه اړخیزې او څو اړخیزې غونډې به وشي.
ټاکل شوې چې د ایران لپاره د امریکا ځانګړی استازی راب میلي د روانې اوونۍ په پای کې ویانا ته لاړ شي.
د امریکا متحده ایالاتو او اروپایي قدرتونو تېره اوونۍ د هغه څه په اړه چې دوی د ایران له لوري جدي خبرو ته نه لېوالتیا وښوده، خواشیني څرګنده کړه.
واشنګټن خبرداری ورکړی چې تهران به پرینه ږدي چې هم مهاله د خبرو د مخنیوي د هڅې ترڅنګ خپل اټمي پروګرام ته پراختیا ورکړي.
