افغانستان ته د ۴۰ ميليونه ډالرو نغدي مرستو بله کڅوړه هم ورسېده.
د افغانستان بانک، چې دا.ا تر کنټرول لاندې دی، اعلان وکړ چې د نغدو پیسو د مرستو په دوام کې نن (دوشنبه) ۴۰ میلیون ډالره نورې کابل ته ورسېدې.
د دغه بانک د خبرپاڼې لهمخې، دا پیسې هم د مخکنیو هغو په شان د افغانستان یوه خصوصي بانک ته وسپارل سوې.
د افغانستان بانک په خبرپاڼه کې د دغه خصوصي بانک نوم نهدی یاد سوی.
د افغانستان بانک وايي، تېره اوونۍ هم کابل ته ۴۰ میلیون ډالره رسېدلې وو چې ورسره د افغانستان د بهرنیو اسعارو زېرمه یو نیم میلیارد ډالرو ته ورسېده.
دا پیسې له هغو جلا دي چې له افغانستانه دباندې زېرمه یا کنګل سوي دي.
