افغانستان کې نژدې ۷ میلیونه ماشومانو ته ګوزڼ ضد واکسین ورکول کېږي.

د هغه په ټکو:" تېر یوه کال کې د ولس په همکارۍ هغو سیمو کې هم واکسین تطبیق شوي چې مخکې نه و تطبیق سوي."

له دې وړاندې هم د عامې روغتیا وزارت د ۲۰۲۲ کال د ګوزڼ ضد واکسین څلورمه دورې تطبیق اعلان کړی و او ویلي یې و چې، افغانستان کې به نېږدې ۱۰ میلیونه ماشومانو ته ګوزڼ ضد واکسین ورکړل سي.

تېرو څو کلونو کې د ناامنیو له امله څه باندې ۳ میلیونه ماشومان له ګوزڼ واکسینه بې برخه شوي وو او له همدې امله د افغانستان په ځینو ولایتونو کې د کوزڼ تازه پېښې هم ثبت سوې دي.

د ماشومانو ګوزڼ داسې ناروغي ده، چې درملنه نه لري او د ملګرو ملتونو روغتیا برخې یې له منځه وړلو لپاره له ۱۹۸۸ راهیسې هڅې کوي.

افغانستان، پاکستان او نایجریا لا هم د نړۍ هغو هېوادونو کې دي، چې دغه ناروغي پکې شته او د ناامنۍ ترڅنګ واکسین ته زړه نه ښه کول یې مهم لاملونه بلل کېږي.

په افغانستان او پاکستان کې ځینې کورنۍ واکسین ته د شک په سترګه ګوري او له همدې امله نه غواړي ماشومان یې واکسین سي.

سکون راډیو