سمنګان کې ۱۲ زره کورنیو ته د اوبو رسولو پروژې پیل سوې
د سمنګان ولایت ځايي چارواکي وايي، چې ددې ولایت په ایبک، حضرت سلطان او فیروزنخچیر ولسوالیو کې د ۱۲ زره کورنیو لپاره د اوبو رسولو پروژې پیل سوې. د چارواکو په خبره، چې په دې پروژو باندې نږدې ۱۲ میلیونه افغانۍ لګښت راځي او دغه راز د سیمې سلګونه اوسېدونکو ته به د کار زمینه هم برابره سي. چارواکي زیاتوي، چې د دې پروژو له پای ته رسېدو سره به د زیاتو کورنیو د اوبو ستونزه حل سي.
