هلمند کې له جنګ ځپلو کورنیو سره نقدي مرسته وسوه.
تېره ورځ د هلمند ولایت په مرکز لښکرګاه ښار کي د کډوالو چارو ریاست د ودان مؤسسې په همکارۍ او د UNHCR په مالي ملاتړ دمرکز او ولسوالیو د سلګونو جنګ ځپلو کورنیو سره نقدي مرسته وکړه.
د یادي مرستي د توزېع پر مهال د کډوالو چارو ریاست نماینده، د ولایت مقام نماینده، د استخباراتو ریاست نماینده او د مؤسساتو نماینده ګانو ګډون کړی وو.
په دغه مرسته کې له هغه ۱۶۴ کورنیو سره نقدي مرسته وسوه چي د تېرو جګړو پر مهال یې کورونه ویجاړ سوي وه، چي هري کورنۍ ته ۷۰۰ امریکایي ډالر ورکول سوه.
د یادوني وړ ده چي تر دې وړاندي هم د کډوالو چارو ریاست د خیریه مؤسساتو په همکارۍ له غریبو او بې وزله کورنیو سره د خوراکي او غیري خوراکي توکو مرستې کړي دي خو د ژمي په رارسیدو سره د اړمنو کورنیو سره د مرستو زیاته اړتیا لیدل کیږي.
سکون راډیو
