ارجنټاین لوبډله کور ته ستنه سوه، په ویاړ یې یوه ورځ عمومي رخصتي اعلان سوې.
د ۲۰۲۲ کال فوټبال نړیوال جام ګټونکی ارجنټاین بېرته خپل هېواد ته راستون سو.
د ارجنټاین فوتبال ملي لوبډله بوینس ایرس هوايي ډګر کې د خلکو له تود هرکلي سره مخ شوه او د دې خوښۍ د نمانځنې په مناسبت یې نن په ټول هېواد کې عمومي رخصتي اعلان کړه.
دغې لوبډلې چې د یکشنبې پر ورځ د فوټبال نړيوال جام پايلوبه کې فرانسې ته په ماتې ورکولو سره د ۲۰۲۲ کال د فوټبال نړيوال جام په خپل نامه کړ.مینه وال یې ټول پر سړکونو د لوبډلې هرکلي ته ولاړ وو.
د ارجنټاین حکومت ویلي، نن ورځ د ټول هېواد په کچه رخصتي ده،مینه وال کولی سي "ملي ټیم د بریال خوښي ونمانځي".
دا هغه الوتکه ده چې ارجنټابن لوبډله پکې له قطره خپل هېواد ته راستنه شوه، پر وزر یې د میسي انځور لګول سوی.
یو سر خلاصی بس د بیونس آیرس په هوايي ډګر کې د لوبډلې رارسېدو ته په تمه دی.
میډ فیلډر اینزو فرنانډیز د بس سر کې لوبډلې سره ولاړ دی او د خپلې بریا پر خوښۍ ډول غږوي
مینه وال یې له هوايي ډګره د ارجنټاین د فوټبال تر فدراسیونه په اوږدو کتارونو کې ولاړ دي
مینه وال یې د دغه هېواد د فوټبال له فدراسیون بهر خپل ټیم ته په تمه دي
سپین او آبي رنګونه هر ځای خورا ډېر ښکاري
