د کورنیو چارو وزارت سرپرست سراج الدین حقاني، په کابل کې د جاپان له سفیر سره ناسته کړې
د کورنیو چارو وزارت سرپرست سراج الدین حقاني، په کابل کې د جاپان له سفیر سره په لیدنه کې ویلي چې «نړۍ د خپل سیاسي دریځ په خاطر چې زموږ په وړاندې یې لري، د افغانستان خلکو ته سزا ورکوي چې دا بې انصافي ده.»
کورنیو چارو وزارت په یو لړ ټویټونو کې د ښاغلي حقاني له قوله لیکلي، که چېرې نړۍواله ټولنه د خیر په نیت سره راټوله سي، ډېرې هیلې موجودې دي چې د بې اعتمادۍ اوسنۍ فصا به بدلون وکړي او د تفاهم ژبه به رامنځته سي.
