روسيه: زنداني شوی مخالف سياستوال الکسي ناوالني يوې ځانګړې خونې ته لېږدول سوی
د روسیې زنداني شوی سیاسي مخالف او د اداري فساد ضد کمپاینر، الکسي ناوالني وايي، په هغه زندان کې چې دی ساتل کېږي، یوې انفرادي کوټې ته لېږدول شوی دی.
دی چې د مسکو د ختیځ په ۲۶۰ کیلومترۍ کې په یوه زندان کې ساتل کېږي، پرون په یو لړ ټویټونو کې دا خبره کړې ده.
ګومان کېږي، چې دغه ټویټونه به د هغه متحدانو یا هم ملاتړو کړي وي.
الکسي ناوالني د اختلاس له کبله په یوولس نیم کاله بند محکوم شوی، خو دغه حکم د هغه د ملاتړو او له روسیې بهر د چارواکو له خوا غندل شوی دی.
دوی وايي د دې سزا هدف د کرملین د مهمو منتقدانو د غږ خاموشه کول دي.
