له ترکمنستانه کابل ته د برېښنا ونښلول سوه
د افغانستان برېښنا شرکت له ترکمنستانه کابل ته د برېښنا د وصلېدو خبر ورکړ. تردې مخکې افغانستان ته د ازبیکستان وارداتي برېښنا کمه سوې وه.
د برېښنا شرکت ویاند حکمت الله میوندي په ټویټر کې تېره شپه په یوه پیغام کې وویل، له منځنۍ اسیا څخه د وارداتي برېښنا د کمېدو له امله افغانستان د برېښنا له ستونزو سره مخامخ سوی دی.
نوموړي لیکلي: "زموږ د تخینکي برخې همکارانو هڅې وکړې چې د ترکمنستان برېښنا له کابل سره وصل کړي. له ښه مرغه اوس موږ توانیدلي یوو چې د یوه وخت لپاره خپلو وطنوالو ته دلته د ترکمنستان برق ورسوو."
میوندي زیاته کړه چې ښایي اوس د کابل برېښنا ډېره لږه له پارچاوي سره مخامخ سي.
د ازبیکستان وارداتي برېښنا پرون سهار وروسته تردې پر افغانستان کمه سوه چې تخنیکي ستونزې په کې پیدا سوې.
