لښکرګاه کې د الکترونیکي تذکرو نوی مرکز فعاله سو.
نن چهارشنبه د هلمند ولایت په مرکز لښکرګاه ښار کې د الکترونیکي تذکرو نوی/دویم مرکز پرانیستل سو.
دې پرانیست غونډه کې د احصایې ریاست رئیس حافظ محمد رباني هیواد، د دویم مرکز مدیر حکمت الله ایمان، کارکوونکو او اطلاعاتو او فرهنګ ریاست استازو هم ګډون درلود.
نوموړي همدا راز وویل؛ مرکزي ادارې ته مو پشنهاد کړی ترڅو هلمند کې الکترونیکي تذکرو کې د نوم، عمر او تخلص د تغیر یا اصلاح خدمات راته چمتو کړي.
د دویم مرکز مدیر حکمت الله ایمان وویل؛ دې مرکز ته به هره ورځ د پنځه سوه څخه تر اووه سوه کسان مراجعه کوي او ستونزو ته به یې رسېدنه کیږي.
دا په داسي حال کې ده چي څه موده وړاندي د الکترونکي تذکرو د ویش لړۍ د څه وخت لپاره بنده سوې وه او اوس چي یې یاده لړۍ د دوهم ځل لپاره پیل سوه چي نن یې هلمند ولایت کې دوهمه څانګه هم فعاله او رسماً یې په کار پیل وکړ.
محمد اسماعیل وفا
سکون راډیو
