هندي چارواکي: د خبرداري په برښنايي سیستم کې تېروتنه د اورګاډو د ټکر سبب سوه!
د هند د رېلګاډو وزیر وايي، د خبرداري په برښنايي سیستم کې تېروتنه د اورګاډو ترمنځ د وروستي ټکر سبب سوه.
اشوین وایشناو له نیو ډیلي تلوېزیوني شبکې سره په مرکه کې ویلي، دا چې څوک ملامت دی او د دې پېښې علت څه دی د تحقیقاتو په نتیجه کې به معلومه سي.
د اسوشېټېډ پریس خبري اژانس په وینا، د جمعې ناوخته د رېلګاډو د ټکر په دې پېښه کې د مړو شمېر تر ۳۰۰ زیات دی او په سلګونو نور کسان ټپیان سوي دي.
