هالنډ کې ځینو خلکو د کرونا د مخنیوي پر نویو تدابیر اعتراض وکړ

هالنډ کې ځینو خلکو د کرونا د مخنیوي پر نویو تدابیر اعتراض وکړ

مظاهره چیانو د هالند روتردام ښار په مرکز کې تېره شپه د کرونا وبا د مخنیوي پر نوېو تدابیر اعتراض وکړ.

وروسته تردې چې اعتراض کوونکو د پولیسو موټرو ته اور واچاوه او پر پولیسو یې بېلابېل شیان وار کړل، پولیسو د خبرداري ډزې وکړې او پر اعتراض کوونکو یې اوبه وشیندلې.

د پولیسو په ګډون اووه تنه ټپیان شوي او پولیسو په لسګونو کسان نیولي دي.

حکومت له خلکو غوښتي دي چې کله کومې ودانۍ ته، لکه رسټورانټ، کافي شاپ یا بار ته ننوځئ باید یا د کرونا واکسین سند ولرئ یا هم له کرونا د رغېدو پاڼه ورسره وي.

د هالنډ حکومت د نوومبر پر دولسمه د درې اونیو په مخه یو لړ بندیزونه وروسته تر دې اعلان کړل چې د کرونا نوې پېښې د دې سربېره زیاتې شوې چې په دې هېواد کې ۸۵ سلنه خلکو واکسین کړی دی.

اټکل کیږي چې نن به په امستردام او جنوبي ښار بریدا کې مظاهرې وشي.