یونېسف: په پاکستان کې میلیونونه ماشومان بېړنیو مرستو ته اړتیا لري
د ملګروملتو د ماشومانو د ملاتړ اداره، یونېسف وايي چې په پاکستان کې له سېلابونو وروسته د نږدې درې نیم میلیونه ماشومانو د ژوند ژغورلو لپاره بېړنیو مرستو ته اړتیا ده.
یونېسف وايي چې له سېلابونو وروسته په سېلاب ځپلیو سیمو کې ډېر شمېر ماشومان د ملاریا په شمول په بېلابېلو ناروغیو اخته شوي دي.
د پاکستان په وروستیو سېلابونو کې لږترلږه ۵۵۲ ماشومان مړه شوي دي.
