هلمند کې د غربي لښکري بازارعالي لیسې لخوا د ښوونځي ممتاز زده کوونکي وستایل سول.

دا د هلمند ولایت په مرکز لښکرګاه ښار کې د غربي لښکرې بازار عالي لیسه  ده!

دا لیسه نن د یو لړ شاندارو مراسمو په ترڅ کې د شپږو تنو ممتازه زده کوونکو د ستاینغونډې کوربه وو، کوم چي څه موده وړاندې یې دا پروسه په همدې ښوونځي کي په لاره اچول سوې وه.

د ممتازه زده کوونکو په ستایغونډه کې د هلمند ولایت د پوهنی ریس مولوی محمد عوض انصاري د داسې پروګرامو په لاره اچولوڅخه خوښې وښودل او د ښوونکي د مقام پر ارزښت یې وینا وکړل او د ټولو زده کوونکو څخه یې غوښتنه وکړل ترڅو خپلو زده کړو او ورځنیو چارو ته پاملرنه زیاته کړې.

غونډه کې د وینا پر مهال دغربی لښکري بازار عالي  لیسې مدیر محمد ناصربارکزي وویل د دې پروګرام څخه یې هدف دا وو چي د زده کوونکو تر منځ سالم رقابت رامنځته سي او زده کوونکي دي د راتلونکو آزموینو لپاره لا ښه  چمتوالۍ ولري. دبارکزي په خبره داسي پروګرامونه زده کوونکو په هڅونه او تشویقولو کي ډير اغیزناکه ثابتیږي چي په وینا یې په همدي لیسي کي به د داسي پروګرامونو جوړولو ته لا ډيره توجه وکړي.

غونډه کې زده کوونکو ورزشي نمایشونه،تراني او تمثیلی ټوټه هم وړاندې کړلي چي تر ډيره یې د غونډې برخوال له ځان سره بوخت وساتل.

بل لور ته بیا عبدالحق چي د دولسم ټولګۍ زده کوونکی دی او دې په سیالیو کې یې لومړئ مقام خپل کړی دی وایې ډیر خوښ دی او د یادې لیسې له ښوونکو او اداري څخه یې مننه وکړل چی داسی پروګرامونه د زده کوونکو د د تشویقولو لپاره په لاره اچوي.

هلمند ولایت کې داسی مهال د غربي لښکري بازار عالی لیسه کې د زده کوونکو  د هڅولو او تشویقولو په پار شپږ تنه ممتاز زده کوونکي وستایل سول او هغوی ته  ډالئ ورکړل سوی چي له دي څخه وړاندي د داسي پروګرامونو جوړول په اکثریت ښوونځيو کي ډیر کم تر سترګو کیږي.

محمد اسماعیل وفا

سکون راډیو