هلمند کي یو شمیر په نشه یي توکو روږدي کسان روغتون ته لېږدول سوي دي.
د تیري اونۍ په جریان کي د هلمند ولایت امنیه قومندانۍ د نشه یي توکو په وړاندي د مبارزې مدیریت مسؤلینو له لوري په مرکز لښکرګاه او ولسوالیو کي ۱۳۳ یو سل او درو دېرش تنه په نشه یي توکو روږدي کسان تر نیول کېدو وروسته و روغتون ته لېږدول سوي دي.
د یادوني وړ ده چي د یاد مدیریت مسؤلینو له لوري تر دې وړاندي هم په سلګونو نشه یي توکو روږدي کسان نیول سوي او د ښه صحت په موخه روغتیایي مرکزونو ته لېږدول سوي دي.
