اسلامي امارت د ټيک ټاک اپليکېشن د بندولو پرېکړه کړې
اسلامي امارت د مخابراتو او ټکنالوژي وزارت ته دنده سپارلې ده چې د (PUBG) په نوم د ان لاین لوبې مخه ونیسي او د ټیک ټاک په نوم ان لاین اپلیکیشن بند کړي.
د اسلامي امارت مرستیال ویاند انعام اله سمنګاني په ټویټر کې لیکلي دي دا پرېکړه د اسلامی امارت د کابينې په غونډه کې شوې.
د نوموړي په وینا کابینې لارښوونه کړې ده چې تر وسه وسه دې د هغو چاینلونو مخه ونیول شي چې غیراخلاقي خپرونې کوي.
