د افغانستان بانک د نړیوال بانک لهخوا د نوې مرستې هرکلی وکړ
د افغانستان بانک د افغانستان د بیا رغونې د مدیریت صندوق او نړیوال بانک د وروستیو مرستو هرکلی کوي.
د افغانستان بانک ویاند محمد صابر مومند نن ازادي راډيو ته وویل، دوی له نړیوال بانک غواړي چې له افغانانو سره خپلو همکاریو ته دوام ورکړي.
مومند وايي، د نړیوال بانک هغه مرستې چې د کرنې، روغتیا او د لومړنیو خدمتونو د پوره کولو په برخه کې شوي دي، د افغانستان بانک یې هرکلی کوي.
د افغانستان د بیا رغونې د مدیریت صندوق او نړیوال بانک تازه ۷۹۳ میلیونه ډالره مرسته د افغانستان لپاره تصویب کړه، چې د نړیوالو مرسته کوونکو سازمانونو له لارې به د کرنې، روغتیا او د خلکو د لومړنیو اړتیاوو د پوره کولو په برخه کې مصرف شي.
