د بريتانيا لېورپول کې موټر بم چاودنه: درې کسان د "ترهګرۍ" په تور نیول شوي
په بريتانيا کې درې کسان د "ترهګرې کړنې" په تور نيول شوي دي. دا کسان وروسته له هغه نيول شوي چې د دغه هېواد په لېورپول ښار کې د ښځو روغتون بهر موټر بم چاودنه شوه چې له امله يې يو تن ووژل شو.
د ترهګرۍ ضد پوليسو ويلي، نيول شوي کسان ۲۹ ،۲۶ او ۲۱ کاله عمرونه لري او وايي د چاودنې د لامل په اړه چټکۍ پلټنې کوي.
دغه پېښه نن ځايي مهال له غرمې مخکې په يوه ټکسي موټر کې شوې ده.
د پوليسو په وينا په موټر کې سپور کس په پېښه کې وژل شوي خو تراوسه نه دی پېژندل شوی.
موټر چلوونکی ټپي دی او ويل کېږي روغتيايي حالت يې د ډاډ وړ دی.
د بريتانيا لومړي وزير بارېس جانس پر ټوټېر پاڼه د دغه پېښې په اړه خواشيني څرګنده کړې او ليکلي يې دي "له ټولو هغو کسانو سره غمشريکي څرګندوم چې د لېورپول په نننۍ پېښه کې اغېزمن شوي دي".
د بريتانيا د کورنيو چارو وزيرې پريتي پټېل پر ټوټېر پاڼه ليکلي چې "د دې غمجنې پېښې د هرې شېپې د جزیاتو په اړه خبره ده".
نوموړی وايي "پوليس او ژغورنکې ډله د پېښې په اړه پلټنه کوي، دوی ته بايد وخت ورکړل شي چې خپلې دندې ترسره کړي".
د لېورپول رغتون چارواکو اعلان کړی چې تر راتلونکې خبرتيا پورې به روغتون تړل شوی وی او له ناروغانو يې غوښتي که امکان ولري نورو روغتونو ته مراجعه وکړي.