د ننګرهار په بهسودو ولسوالۍ ۷ وسله وال غله نیول سوي دي
د ننګرهار په بهسودو ولسوالۍ ۷ وسله وال غله نیول سوي دي
د ننګرهار ولايت رسنيو دفتر وايي، د استخباراتو رياست منسوبينو د بهسودو ولسوالۍ مربوطاتو کې د وسله والو غلو اووه کسیزه ډله، چې د سرتيرو له نوم څخه په ګټې اخيستنې يې د تالاشۍ په بهانه له يو کور څخه غلا کوله لاس په لاس ونيول.
ياد دفتر زياتوي، نيول سويو کسانو سره پنځه میله وسلې، يو فيلډر او يو ټوډي ډوله موټر هم نيول سوي دي او په خپلو جرمونو يې اعتراف کړی.
\
ياد وسله وال غله د کندهار، بلخ، کاپیسا او ننګرهار ولايت اوسیدونکي دي، چې د جوړ سوي پلان له مخې يې له کابل څخه دې کور ته د غلا په موخه راغلي و.
د رسنيو دفتر په وينا، نيول سوي کسان استخباراتو رياست کې تر څېړنو لاندې دي، چې د عدلي او قضايي ارګانونو له لوري به ور سره د شریعت له مخې چلند تر سره سي.
