شمالي وزيرستان کې اته پاکستاني پوځيان ټپيان سوي
د پاکستان په شمال لویدیځ کې د یوې چاودنې په نتیجه کې اته پاکستاني سرتېري ټپیان شوي دي.
دغه چاودنه وړمه ورځ د شمالي وزیرستان په میرعلي سیمه کې شوې ده.
د راپورونو له مخې دا په روان کال کې په دې سیمه کې درېیمه حمله ده چې ترسره کیږي او مسؤلیت یې څوک یا کومه ډله نه اخلي.
دغه برید داسې مهال کېږي چې د پاکستاني طالبانو تحریک د دې هېواد له حکومت سره د سولې خبرې مخ ته وړي.
