قطر په افغانستان کې د زدهکړو پر وړاندې د ننګونو په اړه د یوې غونډې له کوربتوبه خبر ورکړ.
سرچينې وايي، په دې غونډه کې د پوهنې سرپرست وزير د قطر د بهرنیو چارو وزارت مرستیال او د یونیسف پلاوي ګډون کړی دی.
د قطر د بهرنیو چارو وزارت وايي، د دې غونډې ګډونوالو په افغانستان کې پر اقتصادي ننګونو، محدودو بشري سرچینو، زدهکړو ته د ټولو په ځانګړي توګه د نجونو د مساوي لاسرسي په اړه خبرې وکړې.
ګډونوالو د ټولو لپاره د زدهکړې حق تضمینولو، له ننګونو سره د مبارزې لپاره یو ګډ لید رامنځته کولو او په ټولو سیمو کې د ټولو افغان زدهکوونکیو لپاره د لوړ کیفیت زدهکړې د فرصتونو چمتو کولو پر اړتیا هوکړه وکړه.
سکون راډیو
