هلمند مرکزي زندان څخه ۳۷ زندانیان آزاد سول.
نن پنجشنبه د هلمند ولایت لښکرګاه ښار مرکزي زندان څخه هغه زندانیان چي د نشه یې توکو په استعمال روږد وه تر روغېدا وروسته ازاد کړل سول.
د هلمند د زندان د محاکمو د اړیکو آمریت آمر سمونیار سید محمد عثمان سادات رسنیو سره د خبرو پر مهال وویل دغه زندانیان تر څلور میاشتنۍ درملني وروسته د یو ځانګړي ضمانت په ترڅ کي آزاد سول دده په خبره چي د ا.ا د راتګ سره سم په دغه زندان کي تر ۱۳۰۰ زیاتو کسانو درملنه سوې ده.
له زندانه ازاد سوي کسانو د خپلي رغېدا خوښي وښوده او ژمنه یې وکړه چي نور به دې ناوړه نشه یې توکو استعمال ته مخه نه کړي او د هغه کسانو په نیولو او موندلو کي به د دولت سره مرسته وکړي چي ددې ناوړه توکو پیر او پلور کوي.
دا څوم ځله دي چي دهلمند له مرکزي زندان څخه ګڼ شمیر زندانیان تر رغیدو وروسته رخصتیږي.
