هلمند کې د افغانیو د ارزښت د ساتلو لپاره یو ورځنۍ کمپاین پیل سو.
افغانۍ زموږ هویت دی، راځئ چي په ګډه یې ساتنه وکړو او راکړه ورکړه باید په افغانیو وکړو، دا هغه شعارونه وه چي د دي کمپاین برخه والو له ځان سره په لیکلي بڼه ګرځول!
هلمند کې د افغانیو د ارزښت د ساتلو لپاره پراخ یو ورځنۍ پلي کمپاین د وادي هلمند خصوصي پوهنتون دحقوقو او سیاسي علومو پوهنځي له لوري په لاره اچول سوي ووچي پکښې د پوهنتون استادانو،زده کړیالانو، او ځوانانو ګډون کړې وو ترڅو هټیوالو ته د افغانیو د ارزښت د ساتلو لپاره عامه پوهاوی ورکړي.
دې کمپاین کې د وادي هلمند پوهنتون علمي مرستیال او ددې کمپاین برخه وال نیاز محمد پوپل وویل، یاد کمپاین د لښکرګاه ښار هټیوالو ته د عامه پوهاوي په پار په لاره اچول سوی دی ترڅو په خپلو پیسو راکړه ورکړ وړکړي.
په ورته مهال د همدي پوهنتون دحقوقو او سیاسي علومو پوهنځي ریس د افغانیو د ارزښت په هکله وویل: افغانۍ زموږ ملي هویت دی او د ساتلو لپاره یې باید ډیر پام وسي، دده په وینا باید زموږ خپلو په پیسو راکړه ورکړه وکړو ترڅو افغاني په ټولنه کي ترویج سي.
بل لور ته بیا د هلمند ولایت اوسیدونکي وایې: خوښ دي چي داسي کمپاینونه د افغانیو د ساتلو لپاره د عامه پوهاوي کمپاین په لار اچول کیږي او دا کمپاین یې یو ښه ګام دی یاد کړ.
هلمند کې داسي مهال د افغانیو د ارزښت د ساتلو لپاره د یو خصوصي پوهنتون له لوري پراخ د عامه پوهاوي کمپاین په لاره اچول کیږي چي دې وروستیو کې د افغانیو په وړاندي د بهرنیو اسعارو بیې ډیري راټیټي سوي دي.
محمد اسماعیل وفا
سکون راډیو
