د ازبیکستان د تخنیکي متخصصینو یوه ډله د مزارشریف هوایي ډګر ته تللې

د افغانستان لپاره د ازبیکستان د ولسمشر ځانګړي استازي عصمت الله ارګاشف پرون وویل چې د تخنیکي متخصصینو دا ډله به د را روان دوه زره دوه ویشتم کال په لومړیو کې خپل کار بشپړ کړي.

دا مرسته د دې څرګندونه کوي چې ازبیکستان غواړي له طالبانو سره په ارتباط کې وي.

ازبیکستان د ملګرو ملتونو د کډوالو له عالي کمېشنرۍ سره هم دا منلې ده چې د ترمز بندر له لارې افغانستان ته مرستې واستوي.

د ملګرو ملتونو دې ادارې په تېرې یوې اوونۍ کې نژدې سل ټنه بشری مرستې په ترمز کې یوه لوژستیکي مرکز ته انتقال کړې دي.

د تېرې اوونۍ په پیل کې د ملګرو ملتونو د کډوالو عالي کمېشنرۍ څلوېښت ټنه لومړنۍ مرستې له دې ځایه مزارشریف ته ولیږدولې.

د ملګرو ملتونو په وینا افغانستان د بشري بحران په درشل کې دی او تر نیمایي ډېر استوګن یې له دې ګواښ سره مخامخ دي چې په ژمي کې به د خوړو لپاره څه نه لري.