بدخشان کې پر ۵۰۰ کورنیو، د خوراکي توکو مرستې ووېشل سوې
د افغاني سرې میاشتې ټولنه وايي، د بدخشان ولایت په وردوج ولسوالۍ کې پر ۵۰۰ وچکالۍ او جګړه ځپلو کورنیو، د خوراکي توکو مرستې ووېشل سوې.
دغې ادارې پرون جمعه ناوخته په خپل ټویټر کې لیکلي، په دغو مرستو کې ۸ بېلابېل خوراکي توکي شامل وو.
په افغانستان کې ګڼې نورې مرستندویې ادارې هم د ژمي له راتګ سره، پر اړو او بې وزلو کورنیو د مرستو په وېش بوختې دي.
ملګرو ملتونو ویلي، د افغانستان د نفوسو نیمايي برخه د بې وزلۍ له کبله عاجلو بشري مرستو ته اړتیا لري.
