د سره صلیب نړیواله کمېټه په افغانستان کې د ۳۳ روغتونونو ملاتړ کوي
په افغانستان کې د سره صلیب نړیوالې کمېټې استازولي وايي، دوی دا مهال په افغانستان کې د ۳۳ روغتونونو ملاتړ کوي.
د دې استازولۍ مشر ایلوی فیلیون پرون په خپل رسمي ټویټر کې لیکلي، چې یوازې د کابل په ملالۍ زېږنتون کې چې د دوی سازمان یې ملاتړ کوي، د ورځې ۷۵ نوي ماشومان زېږي، چې هر ډول اساسي روغتیايي خدمات ور رسېږي.
شکایتونه کېږي، چې د افغانستان په زیاتو لیرې پرتو سیمو کې امیندوارو میندو ته د صحي خدماتو امکانات محدود دي.
