دلښکرګاه ښار د واټونو د پاکولو لړۍ یوځل بیا پیل سوه
د هلمند د ترافیکو مدیریت د هغه خبرتیا په تعقیب چي دلښکرګاه ښار پر عمومي سړک کواټونه، رېړۍ، ریکشې، زرنجان او موټرونه درول منع کړي وه. د دغه خبرتیا د دوهم تعقیب په ترڅ کي دواټونو د پاکولولړۍ عملاً پیل سوه.
دلښکر ګاه ښار هغه جادې او عمومي خط السیر چي د ریړۍ چلوونکو، زرنجانو او موټرونو دبېرو بار له امله بند سوي وه او د هلمند ولسونه یې د ډېرو ستونزو سره مخ کړي وه د پاکولو چارې یې د ترافیکو مدیریت د پرسونل او دښاروالۍ د مسؤلینو له لوري نن عملا دسولي دچوک څخه پیل سوه د مسولینو په خبره دا لړۍ به ترهغه دوام ولري ترڅو سړکونه او واټونه په بشپړه توګه دوسایطو اوعامو ښاریانو د تګ راتګ لپاره خلاص او وسره دولسونو ستونزي حل سي.
دلښکرګاه ښاروالۍ او د ترافیکو مدیریت د ټولوهټیوالو، ریړۍ چلوونکو او موټروانانو څخه غوښتنه کړي، ترڅو پر واټونو او عمومي جادو د راکړي ورکړې او بېروبار جوړولو څخه ډ ډه وکړي او د ښاري نظم په رامنځ ته کولو کي پوره همکاري وکړي.
