په فیلیپین کې د سخت توپان له امله د مړو شمېر تر ۲۰۰ تنو واوښت
په فیلیپین کې د سخت توپان له امله د مړو شمېر تر ۲۰۰ تنو واوښت.
چارواکو نن وویل چې تر اوسه ۵۲ کسان لادرکه دي او له یو شمېر ولایتونو او مرکزي ښارګوټو سره اړیکې پرې سوي.
د فيلیپین د ملي پولیسو په وینا لږ تر لږه ۲۰۸ کسان وژل سوي او ۲۳۹ نور ټپیان دي.
لیرې پرتو سیمو ته د بېړنیو خدمتونو د ادارې کارکوونکي رسېدلي او وېرهیې ځي چې د تلفاتو شمېر لاپسې لوړ سي.
دغه توپان د جمعې په ورځ د ډسمبر په ۱۷مه په فیلیپین کې پيل سو.
ډېری کسان د ونو د راغورځېدو، د دېوالونو د نړېدو، په سېلابونو کې د ډوبېدو او د ځمکې ښويېدنې له امله مړه سوي دي.
