انتونیو ګوتیریش لبنان کې د تېرکال د چاودنې قربانیانو ته درناوی وکړ
د ملګرو ملتونو سرمنشي پرون دوشنبه (د لېندۍ ۲۹مه) د لبنان په پلازمېنه بېروت کې د تېر کال د لویې چاودنې د قربانیانو د درناوي لپاره په جوړو سوېو مراسمو کې برخه واخېسته.
انتونیو ګوتیریش چې د لبنان په سفر بوخت و، پرون د چاودنې په ساحه کې د قربانیانو د یاد څلي ته ګلونو ګېډۍ هم کېښوده.
د ۲۰۲۰میلادي کال د اګسټ پر څلورمه په هغه چاودنه کې چې په نړۍ کې تر ټولو لویه غیر اټمي چاودنه بلل سوې د لبنان د پلازمېنې ډېره برخه ویجاړه کړه او لږ تر لږه ۲۱۶ کسان یې ووژل.
چاودنه د سلګونو ټُنه امونیم نایتریت له کبله وسوه چې له کلونو راهیسې په یوه زېرمتون کې ذخیره سوي وو.
