ملګرو ملتونو کې د پاکستان استازي د خپلو خبرو په تړاو له افغانانو بښنه وغوښته
په ملګرو ملتونو کې د پاکستان استازي د افغان نجونو د زده کړو په اړه په خپلو څرګندونو بښنه غوښتې او ويلي يې ده چې زده کړو ته د ښځو او نجونو د لاسرسي مخنیوی، نه اسلامي دی او نه هم پښتني کلتور.
منیر اکرم څو ورځې مخکې د ملګرو ملتونو یوې غونډې ته په خپله و ینا کې ویلي وو، چې د دوی له نظره د نجونو د زده کړو په اړه هغه بندیزونه چې د افغانستان سرپرست حکومت له لوري لګول سوي، تر ډېره د پښتنو له کلتوري برخې سرچینه اخلي، نه له مذهبه.
هغه ادعا کړې چې، دغه کلتور په تېرو سلو کلونو کې نه دی بدل سوی.
سکون راډیو
