هلمند کي د لمُړي ځل لپاره د سل تنه Cleft palate او Cleft lip and Cleft palate ماشومانو وړیا درمنله کيږي.
د دې ولایت د عامي روغتیا محلي مسولان وایې له ترکیه هېواد څخه راغلی یو افغان ډاکټر هلمند کي دسل تنه Cleft palate او Cleft lip and palate ولادي ناروغ ماشومانو وړیا درمنله کوي.
د Cleft palate او Cleft lip and palate ناروغي هغه ولادي ناروغۍ ته ویل کیږي یو شمير ماشومان د زیږون پر مهال په پاسنۍ شونډه او تالو کي په طبعي ډول چاق ولري.
د هلمند دعامي روغتیا رئیس ډاکټر سیعد احمد سید وایې له ترکیه هېواد څخه په یاده برخه کي راغلی افغان متخصیص ډاکټر عبدالغفار غیور نومیږي او دی به هلمند کي د لمړي ځل لپاره په خپل لمُړۍ سفر کي د سل ماشومانو درملنه په وړیا ډول وکړي.
دسید په خبره له یاد سل ماشومانو څخه به نن د لس تنه ماشومان عملیات ترسره سي.
په ورته وخت د مرکز لښکرګاه او دهلمند دلیري پرتو ولسوالیو څخه یو شمیر ولسي وګړو چي مخکي یې دیادي پلاستیکي جراهۍ لپاره دخپل Cleft palate او Cleft lip and palate ماشومانو درملني ته نوم لیکنه کړې وه سکون راډیو ته وویل ډېر خوشحاله دي چي په یادي ناروغۍ داخته ماشومانو درملنه یې په خپل ولایت کي په وړیا ډول تر سره کېږي.
د لښکرګاه ښار اوسیدونکی شیرمحمد وایې په خپل مالي لګښت یې دخپل زوی د درملني توان نه درلود ځکه د نوموړي په وینا ډاکټرانو ورته ویلي وو چي د زوی درملنه یې شاوخوا درې زره ۳۰۰۰ امریکایې ډالر مالي لګښت لري.
د هلمند له ګرمسیره ولسوالۍ څخه راغلی شهباز هم خوښ دی چي د زوی درملنه یې په وړیا ډول تر سره کیږي.
ټاکل سوې له ترکیه څخه راغلی افغان متخصیص ډاکټر هر شپږ میاشتي وروسته د Cleft palate او Cleft lip and palate ماشومانو د درملني په موخه هېواد ته راستون سي او برسیره پر دې نوموړی په پام کي لري چي د تغیر شکل ناروغانو پلاستیکي جراهیاني هم په وړیا ډول ترسره کړي.
