افغانستان کې د ګوزڼ ضد واکسين نهم پړ به تر پنجشنبې دوام وکړي.
په افغانستان کې ټاکل سوې ده چې د ماشومانو د ګوزڼ د واکسین نهم پړاو د پنجشبنې تر ورځې دوام وکړي.
دا مرحله د دوشنبې په ورځ پيل سوه او په شپږ ویشت ولایتونو کې به ماشومانو ته واکسین ورکړل سي.
په دې پړاو کې به اووه میلیونه ماشومانو ته په دوه سوه دوه څلویښت ولسوالیو کې د پولیو یا د ماشومانو د ګوزڼ واکسین ورکړل سي.
د ملګرو ملتو د ماشومانو د ملاتړ صندوق وایي، د مرستندویانو او یو شمېر نړیوالو بنسټونو په مرسته دوی کولی شي چې په افغانستان او نړۍ کې پولیو یو مخ له منځه یوسي.
افغانستان او پاکستان د نړۍ هغه دوه هېوادونه دي چې لاهم پکې دا ناروغي سته.
د عامې روغتیا وزارت وایي، د ماشومانو د ګوزڼ د واکسین کمپاین سږکال په جنوري کې پيل شو چې اته مرحلې یې بشپړې سوې دي او اوس یې نهم پړاو روان دی چې تر پنجشنبې دوام کوي.
د روغتیا وزارت ویاند شرافت زمان رسنیو ته وویل: "موږ د دې اتو مرحلو په مټ وتوانېدو چې د پولیو پېښې د پخوا په پرتله کمې کړو.
په تېر یوه کال کې موږ یوازې دوه مثبت پېښې لرلې چې د تېرو کلونو په پرتله ډېرې کمې دي."
د سږکال دوې مثبتې پیښې په پکتیکا او کونړ کې ثبت سوې دي.
پروسږکال د پولیو څلور او په دوه زره شلم کې شپږ پنځوس پیښې ثبت سوې وې.
پولیو یوه ویروسي ناروغي ده چې درملنه نه لري او یوازې د واکسین له لارې یې مخه نیول کېدای سي.
سکون راډیو
