د بایډن سپي ۱۱ ځله د سپینې ماڼۍ کارمنان داړلي
وايي "که واشنګټن کې ملګری غواړې، نو سپی وساته"، خو که د سپي داړل ۱۱ ځلو ته ورسېږي، نو دا له چتې وتلی سپی وګڼه.
دا مقوله د امریکا پخواني ولسمشر هري ترومان ته منسوبه شوې ده او اوسني ولسمشر جو بایډن پر هغه له دې شکایتونو سربېره عملي کړې ده چې د "کومانډر" په نامه کوچنی سپی یې ساتلی.
څه مونده وړاندې "کومانډر" د سپینې ماڼۍ د پټ خدمت ادارې یوه کارمنه وداړله.
دا ددغه دوه کلن سپي له لوري سپینه ماڼۍ کې ۱۱مه داړنه ده.
د داړلو په دې پېښو کې له ښکېلتیا وروسته "کومانډر" باید بېرته له سره وروزل شي.
"کومانډر" داړلی یو تن ان تر روغتونه رسول شوی دی.
د بایډن کورنۍ د همدې خېل یو بل سپی هم لري چې "مېجر" یې بولي، خو د داړلو د ورته پېښو له کبله له سپینې ماڼۍ لیرې کړل شوی دی.
سپینه ماڼۍ کې د کارمنانو ترمنځ ددغو سپیو داړلو اندېښنه ډېره کړې ده.
"کومانډر" سپی د جرمن پوونده (شپانه) په نامه د سپیو له نسله دی چې د لومړي ځل لپاره په ۲۰۲۱ کې سپینې ماڼۍ ته وړل شوی دی.
سي اېن اېن شبکې د خپلو سرچینو په حواله ویليو کله چې "کومانډر" د پټ خدمت پر یوې کارمنې برید وکړ او هغه یې وداړله، د امریکا لومړۍ مېرمن جېل بایډن یې په کابو کولو ونه توانېده.
د پټ خدمت یوه غړي په یوه برېښنالیک کې لیکلي: "زما په اند دا د وخت مسله ده، مخکې له دې چې پر یوه غړي برید وشي یا وداړل شي".
