کاناډا کې د افغان ورزشکارانو کلنی جشن د افغانانو مرستې ته ځانګړی سو
د کاناډا په انتاریو او تورانتو ښارونو کې د افغان ورزشکارانو د ټولنې کلنی جشن سږ کال د افغانستان خلکو ته د بسپنې د راټولولو لپاره ځانګړی سوی.
سږ شپږم کال دی چې په کاناډا کې د دې ټولنې لهخوا دا جشن جوړېږي.
په تېرو کلونو کې به په دې ورځ ورزشي لوبې کېدلې، خو په تورانتو او انتاریو کې د افغان ورزشکارانو د ټولنې فني مرستیال سید داود جلالي پرون رسنیو ته وویل سږ کال دا مناسبت د چندې ټولو ته ځانګړی سوی.
جلالي وویل: "د دې غونډې د جوړولو له لارې هڅه کوم چې خپلو بېوزلو او فقیرو خلکو ته مرستې ورسوم."
د ښاغلي جلالي په وینا د دې جشن مراسم راتلونکې اوونۍ جوړېږي.
دې غونډې ته په کاناډا کې دېره افغانان او د تورانتو او انتاریو ښارونو سیمهییز چارواکي بلل سوي دي.
