هلمند کي د رحیمي بست په نوم ټکسي چلوولو شرکت په فعالیت پیل وکړ.
نن ورځ شنبه، د هلمند ولایت مرکز لښکرګاه اړوند بولان سیمه کي رحیمي بست ټرانسپورټي مسافربري د ټکسي چلوولو شرکت په لومړي ځل د یوې غونډي پر مهال فعالیت پیل کړ.
د هلمند ولایت د ترانسپورټ ریس سبحاني اغا وویل: دا لومړی ځل دی چي په هلمند کي د مسافرو لپاره یو معیاري شرکت فعالیت پیلوي، چي د دې شرکت موټران به د مرکز لښکرګاه او بهرامچې ولسوالۍ پوري تګ راتګ کوي او مسافر به د سفر پر مهال له ستونزو خلاص سفر تر سره کوي.
د یاد شرکت مسولین بیا وایي چې شل عرادې ټکسي موټران د مرکز لښکرګاه او بهرامچې ولسوالۍ پوري عمومي لین ته چمتو کړي چي پر دې موټرونو شاوخوا درې لکه امریکایي ډالر لګښت راغلی دی.
دا لومړۍ ځل دی چې د مرکز لښکرګاه ښار او بهرامچې ولسوالۍ پوري د مسافرینو د انتقال لپاره د ټکسي چلولو یو شرکت په فعالیت پیل کوي.
