زابل کې د يوې ترافيکي پېښې له امله شپږ کسان ټپيان سوي دي
په زابل کې د سپرلۍ د یوه موټر د چپه کېدو په پېښه کې شپږ کسان ټپیان سوي.
د زابل د عامي روغتیا رئیس ډاکټر عبدالحکیم حکیمي ازادي رادیو ته وویل، دغه پېښه نن سهار وختي د زابل مرکز قلات ته نژدې د سپینې غبرګي په سیمه کې رامنځته سوې.
د نوموړي په وینا د پېښې ټول ټپیان د مرکز قلات روغتون ته انتقال سوي.
د پېښې علت د موټر تېز سرعت بلل سوی.
د کابل - کندهار لاره چې ډېری برخه يې ويجاړه ده ترافيکي پېښې پهکې ډېرې رامنځته کېږي.
