د اجین سمندرګي کې د کډوالو د بېړۍ ډوبېدو پېښې ۱۶ کسان وژلي
د اجین په سمندرګي کې پرون جمعه(د مرغومې ۳مه) د کډوالو د یوې بیړۍ د ډوبېدو له کبله لږ تر لږه ۱۶ کسانو خپل ژوند له لاسه ورکړی دی.
سمندرغاړي ځواکونه وایي چې د یونان د پاروس ټاپو په نژدې اته کیلومترۍ کې د بېړۍ تر ډوبېدو وروسته دوی ۶۲ وژغورل.
ژغورل سوېو کسانو ویلي دي چې بېړۍ کې شااوخوا ۸۰ سپاره وو.
چارواکي وایي چې تېره شپه ژغورونکو د نورو تري تم سوېو د موندلو لټه وکړه.
دا په تېرو څو ورځو کې د یونان په اوبو کې د کډوالو د ډوبېدو درېیمه پېښه ده چې د ټولو قربانیانو شمېر یې تر دې دمه دېرسو ته رسېدلی دی.
