هلمند کي د روغتیایي مرکزونو سره اته لکه پنځه دېش زره امریکایی ډالرو په ارزښت د روغتیایی اوغیري روغتیایی توکو مرسته وسول.
سه شنبه هلمند کي د روغتیا پرمختګ موسيسې له خوا د ماشومانو نړیوالو وجهي صندوق په حمایت او د اسیا پراختیایي بانک په مالي لګښت د هلمند له روغتیایي مرکزونو سره د ګڼ شمير روغتیایي او غیري روغتیایی توکو مرسته وسول.
په دې توکي امبولانسونه، موټرسیکلان، المارۍ،لابراتواري توکي او اداري توکي شامل وه.
مراسیمو کي د هلمند سیمه ایزو مسولینووویل:چي د هلمند لیریو پرتو سیمو او ولسوالیو کي خلک په پوره کچه روغتیایی امکاناتو او خدماتو ته لاس رسۍ نلري د دوي په خبره چي ولسوالیو او سیمو ته د سفر پر مهال ورسره د بیلابیلو سیمو او ولسوالیو خلکو خپلي اندیښني شریکي کړي دي د دوي په وینا چي ددې روغتیایی او غیري ورغتیایی توکو په ویش سره به تر یو برید د خلکو ستونزو ته رسیدنه وسي.
د روغتیا او پرمختک موسیسي مسولینو ددې توکو د ویش پر مهال وویل چي روغتیایی مرکزونو لپاره یې ۷۹ موټرسیکلونه،۶د عرادي امبولانسونو بیا ترمیم،طبي وسایل،اداري توکي او د اړتیا وړ سامان الات ورکړل سول.
د روغتیایی توکو د ویش مراسیمو کي د ماشومانو د نړیوال وجهي صندوق ولایتي مسول وویل : چي د هلمند ولایت لیری پرتې سیمی ډیرو خدماتو ته اړتیا لري او زیاته یی کړه چي په ۲۰۲۴ میلادي کال کي موږ د ډېرو نوری روغتیایي پروژي هم په پلان کي لرو .
هلمند کي داسي مهال له یو شمیرروغتیایی مرکزونو سره یادي مرستي کيږي چي ددې ولایت ډېری لیري پرتې ولسوالۍ له لومړنیو روغیایي خدماتو څخه بې برخي دي.
کرم خان سمسور
سکون راډیو
