هلمند کي یو ځوان د ۲۰۰ ماشومانو لپاره د وړیا زده کړو زمینه برابره کړې ده.
دا دهلمند ولایت د ګریشک ولسوالۍ ترمه کلي دی چیري چې ښوونځيو ته دماشومانو او ځوانانو لاس رسي محدود دی.
دهمدې سیمي یو ځوان عبدالقدیر پاڅون د خپل ملي او افغاني احساس له مخي په خپل کلي ترمه کي د شاوخوا ۲۰۰ ماشومانو انجونو او هکانو لپاره د وړیا زده کړو فرصت برابر کړي دی
د ماشومانو لپاره د زده کړو برابرونکي عبدالقدیر پاڅون سکون راډیو سره د مرکي پر مهال وویل چي د زده کړو لړۍ يې روانه ساتلی ده او د ماشومانو له شمیر څخه یې اویا تنه انجوني دی او پاتی نور ټول یې هلکان دی چی په دریو وختونو کې ورته وړیا زده کړې ورکوی .
نوموړي زیاته کړل چي یو کال مخکې کله چی کلی ته ستون سوم ومی کتل چی د کلی ډیرۍ اوسیدونکې د تعلیم څخه لیری پاتې سویدې نو د ځان سره می احساس وکړ او د ماشومانو د روزنی په پار می د زده کړی پروسه پیل کړه تر څو د راتلونکی نسلونه مو د زده کړی څخه بی برخی پاتی نسی .
ده وویل تر اوسه کومې تعلیمی ادارې ورسره همکارې نده کړي او د پوهنی د ریاست او اړوند تعلیمی ادارو څخه یې غوښتنه وکړه تر څو یاده برخه کې ورسره مرسته وکړی.
د هلمند ګریشک ولسوالۍ په ترمه سیمه کي داسي مهال یو ځوان د ۲۰۰ ماشومانو لپاره د وړیا زده کړو زمینه برابر کړي ده چي د هلمند په شمالي ولسوالیو کي تیرو شلو کلونو جګړو او ناخوالو ډیري ماشومان له زده کړو بي برخي کړي دي.
محمد اسماعیل وفا
ســکون راډیو
