په ارزګان کې فوټسال سیالۍ اتلولي د میوند لوبډلې وګټله
په ارزګان کې د رمضان جام فوټسال سیالۍ اتلولي د میوند فوټسال لوبډلې وګټله.
د افغانستان فوټبال فدارسیون په خپل فیسبوکپاڼه لیکلي، یادې سیالۍ چې د روژې میاشتې په دویمه پیل شوې وې تېره ورځ ناوخته د میوند فوټسال لوبډلې الفت لوبډلې ته ۰-۲ ماتې ورکړې او بریا یې خپله کړه.
د دې فدارسیون په خبره، په دې سیالیو کې ۱۳ لوبډلو د ارزګان له بېلابېلو ولسوالیو څخه ګډون کړی و.
په یادو سیالیو کې نجیب الله وصال غوره لوبغاړی او محمد نبي غوره ګول وهونکی ونومول شول.
د دې سیالیو موخه ورزش ته د ځوانانو هڅول ښودل شوي.
