پکتیا او کندز د لومړۍ درجه ولایتي سیالیو پای لوبې ته لار ومونده
د افغانستان د کورني کرکټ وزیر محمد اکبرخان لومړۍ درجه ولایتي سیالیو په لومړۍ نېمه پایلوبه کې پکتیا د کندهار او دویمه نېمه پایله لوبه کې یې کندز ولایتي لوبډلې د ننګرهار لوبډلې په ماتولو سره د یادو سیالیو پایلوبې ته لار ومونده.
د افغان کرکټ بورډ د مالوماتو له مخې به راتلونکي سه شنبه،د مارچ پر نهه ویشتمه؛ د وزیر محمد اکبر خان اوله درجه ولایتي یو ورځنیو سیالیو پایلوبه، د خوست پر ملي کرکټ لوبغالي ترسره شي.
یادې سیالۍ چې د تېرو پنځلس ورځو رهیسې د هېواد په دوه ولایتونو خوست او ننګرهار کې روانې وې؛ دوولس لوبډلو پکې برخه درلوده، چې له منځه یې پکتیا او کندز ولایتي لوبډلو د یادو سیالیو پایلوبې ته لار ومونده.
