په هلمند او کندهار کې د څو لسیزو وروسته خلګ د ګرمۍ په موسم کې له ۲۴ ساعته برېښنا څخه برخمن سوي!
په هلمند او کندهار کې د څو لسیزو وروسته خلګ د ګرمۍ په موسم کې له ۲۴ ساعته برېښنا څخه برخمن سوي!
د هلمند او کندهار ولایتونو د اوسیدونکو د بریښنا اړتیاوي چې د هلمند د کجکي بریښنا د تولید له فابریکې څخه پوره کیږي په تیرو دوه لسیزو کې د وخت د رژیم له لوري د بریښنا د لا پیاوړي کولو په موخه تر اندازې ډیري پیسې پرې مصرف سوې، خو په دې و نه توانید چې خلګو ته حتی ۱۲ ساعته بریښنا برابره کړي. خو اوس د دغو دوو لویو ولایتونو اوسیدونکي د لومړي ځل لپاره د ګرمۍ په موسم کې له ۲۴ ساعته بریښنا څخه برخمن دي.
د کندهار د بریښنا ریاست مسؤلین د هلمند او کندهار خلګو ته د ۲۴ ساعته بریښنا د رسولو علت د اوبو ښه مدیریت، له کجکي څخه تر هلمند او کندهاره د بریښنا د مزو پیاوړي کول او د کجکي فابریکې د دوهم فاز فعاله کول بولي او زیاتوي چې دوی هڅه کوي تر څو دا بهیر نور هم پیاوړی کړي.
د یادونې وړ ده چې دا مهال کندهار ته د هیواد له شمالي ولایتونو څخه د وارداتي بریښنا د راوستلو کار هم دوام لري چې ددې ولایت د صنعتي پرمختګونو په برخه کې به مهم رول ولري.
محمد نسیم شاکر
سکون راډیو
