هلمند : د الجامعة الاسلامیه په نوم یوه لویه دیني مدرسه پرانیستل سوه
هلمند کې د یو تن سوداګر په شخصي لګښت د الجامعة الاسلامیه په نوم مدرسه تر جوړیدو وروسته پرانیستل سوه.
یاده مدرسه چې د هلمند مرکز لښکرګاه ښار بولان سیمه کې د یو تن سوداګر حاجي سیف الله په شخصي لګښت جوړه سوې وه د هلمند د پوهني رئیس مولوي محمد عوض انصاري، د پوهني ریاست اداري مرستیال حافظ عبدالرزاق حکیمي، شیخانو او دیني علماؤ لخوا پرانیستل سوه.
د هلمند د پوهني رئیس مولوي محمد عوض انصاري د یادي مدرسې د پرانیستلو پر مهال وویل: د خوښۍ ځای دی چي په هلمند ولایت کي یوه لویه مدرسه پرانيستل کیږي او زیاته یې کړه چي د ټولو زده کوونکو لپاره اړینه ده چي د سته فرصت څخه پوره ګټه واخلي او خپلو زده کړو ته دوام ورکړي.
یاده دې وي چې څه موده وړاندې د پوهني وزارت چارواکو هم په ټول هیواد کې د لویو دیني مدارسو د جوړولو خبره کړې وه.
