لنکا سوداګریزې سيالۍ د افغان لوبغاړو په ګډون پيل سوې
د سرېلانکا کرېکټ بورډ ادارې له لوري د لنکا غوره لیګ شل اوریزو سياليو درېيم پړاو نن پيل سو.
دغه سيالۍ چې د پينځو لوبډلو په ګډون پيل سوي دي پر افغانستان سربېره د نورو هېوادونو لوبغاړي هم پهکې برخه لري.
د افغانستان له لوري په دې سيالیو کې رحمن الله ګربز، نجیب الله ځدراڼ، فضل الحق فاروقي، نوراحمد، نوین الحق، کریم جنت او وقار سلامخېل په بېلابېلو لوبډلو کې اخيستل سوي دي.
په دې سياليو کې به ټولې ۲۴ لوبې ترسره سي او پایلوبه به یې د ډسمبر په ۲۳ نېټه ترسره سي.
